Die padreëls word in die padverkeerregulasies uiteengesit in die Nasionale Padverkeerwet.
Wanneer dit egter by verkeersirkels kom, is daar steeds mense wat onseker is oor hoe om dit te gebruik.
Ten spyte daarvan dat baie mense onder die indruk is dat verskillende provinsies en streke ʼn verkeersirkel verkillend kan gebruik, is die padgebruiker en munisipaliteite volgens wet nie by magte om regulasies aan te pas nie.
Die manier om ʼn verkeersirkel te gebruik bly dus dieselfde ongeag waar jy jouself in die land bevind.
Die Stellenbosch-munisipaliteit het onlangs, tydens sy vervoermaand, ʼn bewusmakingsveldtog van stapel gestuur waartydens bykomende borde by mini-sirkels opgerig is, wat vir mense beter verduidelik hoe om dit te gebruik.
Volgens ʼn plasing op Stellenbosch-munisipaliteit se Facebook-blad is dié projek van stapel gestuur omdat daar steeds verwarring bestaan onder inwoners en die reëls nie altyd reg toegepas word nie.
Daar is twee soorte verkeersirkels in Suid-Afrika: ʼn gewone verkeersirkel en ʼn mini-sirkel. Dit is hoe jy elkeen moet gebruik:
Gewone verkeersirkels
Hierdie sirkels is gewoonlik groter en hanteer meer verkeer. Daar is ook soms, maar nie altyd, meer as een baan wat om die sirkel beweeg. Bestuurders moet kloksgewys om die sirkel beweeg en gee toe aan aankomende verkeer van regs af. ʼn Gewone sirkel kan uitgeken word deur die blou-en-wit padteken met pyle wat daarmee gepaard gaan.
Mini-sirkels
ʼn Mini-sirkel is gewoonlik kleiner en werk in wese dieselfde as ’n vierrigtingstopstraat. Die eerste voertuig wat by die sirkel stop, kan weer eerste ry. ʼn Mini-sirkel word identifiseer deur ʼn rooi en wit onderstebo driehoek met pyltjies binne in.
Gebruik net asb SA tekens en fotos, ek was nou vir n oomblik baie blond!
Pyltjies op teken verkeer om!!
Baie oulik, maaaaaar hier in Gauteng waar ek woon – gaan niks help nie. Mense kom nie padreels na nie, en voel hul doen jou ‘n guns om hul flikkerligte te gebruik. Die nuwe tendens is ook om die sirkel te gebruik as ‘n geleentheid om iemand verby te steek.
Of as die binnekant van die sirkel groot genoeg is, stop n taxi daar en wag v pasasiers.
@Amanda, toemaar, jy is nie alleen nie. In Worcester was verkeerssirkels tot so 10 jaar gelede ‘n ongekende ding. Die mense hier weet NOU NOG nie hoe om óm ‘n verkeerssirkel te ry nie – dit moet iets te doen hê met die blou berge wat ons omring; ontwikkeling is maar stadig in dié vallei.
Interessante en relevante nuus
Centurion bestuurders, hierdie artikel is vir julle!
Mense in Centurion weet nie hoe werk ‘n *bliepende* verkeersirkel nie!
Dis nie net Centurion bestuurders nie maar die hele verdomde Pretoria. Eintlik maar orals mense verstaan nie die konsep van first come first go by mini sirkels nie wat in my mening in elk geval net die verkeer opvoeter dis goed wat nooit moes eers bestaan nie neuk net die verkeer op.
DIe regte gebruik van ‘n verkeer sirkel is nie – die een wat eerste stop mag eerste ry nie. Die Padverkeers wet stipuleer die wat reeds in die verkeers sirkel is het toegang om eerste te ry dus as ‘n voertuig ‘n sirkel nader, die verkeer wat reeds in die sirkel is, het ry voorrang, en moet die verkeer wat dit nader, stop. Daar is ‘n ander teken – ‘n klein geel diamant teken, en dit verander hierdie wet. Dit gee dan die verkeer wat die sirkel nader, toegang om eerste te ry bo die verkeer wat reeds in die sirkel is.
Mar soos die berig sê daar is 2 verskillende sirkels in S.A.
Die berig is reg, ek weet dit het ook iets met die eiland in die middel te doen en die grote van die sirkel wat kleiner of groter as 16 meter moet wees om dit verskillend te hanteer.
Dis maklik – mense. Groot sirkel (blou bord) – gee TOE vir verkeer van REGS. Klein sirkeltjie – eerste oor die stippellyn mag EERSTE ry – SELFS AL HOM HY/SY VAN LINKS AF IN.
Sarie, waar bly jy? Oorsee? Ek het nig nooit gehoor dat iemand wat alreeds in n sirkel, moet toegee vir iemand wat n sirkel nader nie. Net iemand soos Fikile kan so-iets uit sy duim suig!!
Mense in die Kaap neem kennis asb! En ja ek bly self hier!!
Gee toe vir aankomende verkeer van regs!
En asb groot asb kies die regte baan voor jy by die sirkel kom nie as jy klaar in die sirkel is nie. Dink asb bietjie verder as daai selfoon wat in jou hand is of op jou skoot lê.
Ek bly in Ierland en die Iere HOU van hulle ‘roundabouts’! Hier moet ons altyd toegee aan verkeer van regs, maak nie saak hoe groot die sirkel is nie. Ek het dit op besoek in SA probeer, maar gou besef dis elke man vir homself :)
Tydens spitsverkeer kan jy nie die hele tyd toegee aan verkeer van regs nie, anders gaan jy daar sit tot verkeer bedaar het.
Hierdie artikel gee geen inligting oor hoe om n sirkel te ry nie, behalwe dat ons kloksgewys om moet ry, en dit weet almal. Eerste fout, daardie gewone sirkel teken is nie in SARTSM nie, daai teken is dus van oorsee en word nie hier gebruik nie. Ons gebruik slegs die tweede rooi en wit teken vir albei sirkels, maar het twee variasies van dit. Die eerste een is n waarskuwing wat mens so 100m voor die sirkel plaas – hy lyk soos die teken hierbo. Die tweede een is omgekeerd soos n toegee teken met n sirkel in – dit word langs die toegee lyne geplant.
Tegnies in n mini-sirkel word net een kar toegelaat in die sirkel, maar as dit veilig is dan ry meeste mense. Ek sien geen probleem met dit nie. ‘n Normale sirkel is toegee na regs, as dit veilig is mag jy ry.
Maar hier kom die eintlike kwessie wat hierdie artikel versuim het om aan te spreek – daardie vergete liggie wat aandui in watter rigting jy gaan draai… Indien jy die sirkel binnekom, dan moet jy tegnies regs aandui. Maar meeste mense sal dit soos n vier rigting hanteer, wat ook ok is. As jy links gaan, dui links, reguit niks, regs dui regs. As jy die sirkel verlaat dui jy ALTYD links – hoekom vra jy? Want dan kan die volgende persoon sien waantoe jy gaan en dit maak die sirkel meer effektief.
En vir ingeval julle dit nog nie weet nie, as daar n sirkel is met twee bane dan werk dit onder normale omstandighede so: Linkerbaan is links en reguit, regterbaan is reguit, regs en om. Maar elke situasie kan anders wees, dus wat ook al die padmerke op die pad sê is wet.
Ek hoop nie die paddtekens in die berig is van die Departement van Vervoer af nie.
Die wat nie weet hoe om n sirkel te gebuik nie, sal niks baat by die berig nie. Dit se dan net daar is 2 tipes verkeersirkels.
Eintlik hoef daar net 1 tipe te wees.
Vele mense weet nie eens as jy in buite baan is moet jy uit by die eerste uitgang van sirkel. Al vele amper ongelukke so gesien as die kar in die buite baan dink hy kan reg rondom die sirkel in buite baan ry.
Ek verstaan nie die doel van ‘n mini sirkel as ‘n vier rigting stop net so effektief is nie. Nou moet ek elke keer effens links swenk en dan half oor die homp ry as ek regs wil gaan.
Dit dien as n middel om te verkeer te kalmeer en is beter vir voetgangers. Dit is ook eintlik meer effektief, afhangende van die proporsie van motors van verskillende rigtings.
Die mense wat ni weet hoe om ‘n sirkel te benader ni het dan ni hulle bestuurslesensies op di regte manier geverdien ni ek sal wil voorstel gaan terug en leer weer en dan miskien nog beter gaan na welkom in di vrystaat toe gaan kyk hoe “operate” di mense daar met verkeers sirkels, daars geen robote ni net sirkels en di verkeer daar vloei inteendeel beter as met robote so mense as julle kan gaan kyk en leer daar dan sal julle weet hoe werk werklik verkeers sirkels
As jy sukkel, volg net ‘n taxi.
Swak artikel wat niks sê nie. Ek vind die mini- sirkels in Stellenbosch verwarrend. Natuurlike reaksie by sirkel is om dit soos ‘n sirkel te hanteer en klaar. As hulle wil hê jy moet dit soos ‘n 4- rigtingstop hanteer, wel, dan maak dit ‘n 4-rigtingstop.
STEM SAAM
Baie insiggewend. Die artikel stel net die feite. Hulle kan nie die reëls verander nie.
Ons bly in SA .Geen reels tel hier .As jy ry maak net seker jy word nie gestamp nie.As dit te moeilik is moenie bestuur nie, want dan is jy nie n SA bestuurder nie.
Ek het in 1980 my lisensie in Vanderbijlpark gekry. Jy moes baie goed leer hoe jy n sirkel nader. As jy die eerste kwart uitgaan, nader in linkerbaan met linker flikkerlig aan. As jy 2e kwart uitgaan nader die sirkel in regterbaan met regter flikker aan, sodra jy by 1e kwart verby is, gaan jou linker flikker lig aan, kyk nog steeds agter links of dit veilig is en verlaat die sirkel, net so met 3e kwart, nader regterbaan met regter flikker lig aan sodra jy by 2e kwart verby is, kom linker flikker lig aan, kyk links of dit veilig is. As jy sirkel nader kry die voertuig reeds in sirkel voorrang. Dit is hoe ek geleer is en pas dit vandag nog so toe, belangrikste is wees op die uitkyk vir ander wat ry soos hul wil en beplan betyds waar jy uit die sirkel wil uit ry
Ja, toe ek destyds vir my lisensie gegaan het, was daar net een stel reëls vir sirkels.
Dit is moontlik – want daar was toe nog nie iets soos minisirkels gewees nie. Ek self het ook net een stel reels geleer. Minisirkels het eers later ingekom.
Dankie vir berig wat 100% korrek is. Die enigste rede hoekom daar slegs een bord in SA gebruik word, is seker omdat die munisipaliteite al die ander weggegooi het. Selfs by meeste groter sirkels met twee bane waar die blou bord veronderstel is om te wees, word die mini-sirkel bord gebruik en dit is eintlik verkeerd. Twee groot sirkels in Jeffreysbaai is ‘n goeie voorbeeld – die teken wys mini-sirkel (maw jy moet kan sien wie is eerste om die reel te volg). Maar by die eerste groot sirkel is daar ‘n groot middel-eiland met blomme ens wat maak dat jy nie eers die anderkant kan sien nie!!!! Hoe moet jy nou sien wie was eerste. Dit moet dus ‘n gewone verkeersirkel (Engels “roundabout”) wees.
Daar is wel 2 groot sirkels in Port Elizabeth wat wel die korrekte blou borde het. So daar is sulke borde in SA. Die betrokke twee was seker PE se laaste twee :)
Gaan lees gerus die nodige dokumente (oa K53 boek) en dan sal julle sien die berig is reg.
Vir diegene wat Centurion bestuurders afslag – julle het nie ‘n idee hoe swak en oningelig die bestuurders in Port Elizabeth is nie. En iemand hier praat ook van Wellington se bestuurders. Daai mense hanteer ‘n ware mini-sirkel met die korrekte bord om die verkeerde manier. Soos Alex geskryf het – in PE sit jy dus vas by ‘n minisirkel as jy die hele tyd moet toegee na regs in spitsverkeer.
Geen wonder dis so ‘n gemors nie, selfs hierdie kenners verskil oor watter baan as jy waarnatoe gaan. Linker baan vir links en reguit, regter vir reguit en regs? Reguit ryer kan dus in enige baan ry, en hoe weet mens van waaraf kom almal. Nee wat, wees maar net baie versigtig en wantrou almal.
In Ekurhuleni werk dit anders. Hulle het hulle eie verkeersreëls wat totaal verskil van die res van die land.