Die renjaers wat aan die naweek se Kyalami-9-uur-uithouren deelgeneem het, is darem die groot reën gespaar.
Die laaste ronde van die 2021-seisoen het begin met drie spanne wat almal nog om die titel geveg het.
Terwyl AKKA ASP en hul Mercedes-AMG dié ren gewen het, is Ferrari se Come Ledogar en Allesandro Pier Guidi as vanjaar se kampioene gekroon. Audi Sport is as die vervaardigerkampioen van die jaar gekroon.
Mercedes-AMG het die vinnigste rondte van die dag aangeteken met ʼn tyd van 1:42.285 óm Kyalami.
Die Kyalami-9-uur-uithouren sal weer die 2022-seisoen in Desember vanjaar afsluit. Dit sal die tweede ronde van die 2023-seisoen wees om te verseker dat al die vervaardigers en renjaers Suid-Afrika toe kom. Dus sal daar in 14 maande drie Kyalami-9-uur-uithourenne plaasgevind het.