Die egpaar Carl en Jeanette Kritzinger bespreek weekliks in Wiele2Wiele die jongste motornuus, van bekendstellings en padtoetse tot algemene nuus en nuttige wenke.
Hierdie week is Wiele2Wiele rooi en mooi met Porsche se giftige Cayenne GTS. Hulle vertel vir jou meer oor die oulike Mazda2 en voel of hulle in ‘n luukse sitkamer sit met Mercedes-Benz se V300d-bussie. Hulle het ‘n interessante wenk en gesels met Neil van der Vyver, die nuwe 65cc- Suid-Afrikaanse Motocross-kampioen.