Maroela het onlangs berig oor die splinternuwe BT-50 bakkie en Mazda Suid-Afrika het uiteindelik hul voorraad ontvang wat beteken die nuwe bakkies is nou by handelaars beskikbaar.
Pryse:
| Mazda BT-50 1.9 Active handrat 4×2 | R611 900 |
| Mazda BT-50 1.9 Active outo 4×2 | R647 900 |
| Mazda BT-50 3.0 Dynamic outo 4×2 | R759 400 |
| Mazda BT-50 3.0 Individual outo 4×4 | R794 400 |
Vir diegene wat baie ry is Mazda se diensplan en waarborg voorwaar puik. Die BT-50 word gedek deur ‘n 3 jaar/onbeperkte km-diensplan, waarborg en padbystand.
Dié weergawe van die Mazda BT-50 is op Isuzu se volgende D-Max geskoei. Die bakkie lyk voorwaar mooi en het indrukwekkende spesifikasievlakke. Ongelukkig lyk daai pryse effens wild.
Die bakkie-oorlog woed vuurwarm op die oomblik, en as ons die grootste rolspelers vergelyk, lyk dit só:
| GWM P-Series 2.0TD LT 4×4 outo | R554 900 |
| Mitsubishi Triton 2.4DI-D 4×4 outo | R654 995 |
| Isuzu D-Max 3.0TD 4×4 LX outo | R728 200 |
| Nissan Navara 2.0DDTi PRO-4X 4×4 outo | R740 000 |
| Volkswagen Amarok 2.0BiTDI Highline 4Motion | R777 300 |
| Toyota Hilux 2.8GD-6 Legend 4×4 outo | R788 700 |
| Ford Ranger 2.0Bi-Turbo 4×4 Wildtrak outo | R797 500 |
Tussen dié mededingers prys die topmodel in die BT-50 aanbieding tussen die Hilux en Ranger. Ek dink dit is effens optimisties – maar ek het nog nie met die bakkie gery nie. Ons sal binnekort ons beurt kry, en dan ʼn in-diepte resensie doen oor die nuwe Mazda BT-50.
Net die 3 jaar onbeperkte km waarborg se alles maar die prys is bietjie rof.
Mazda s se diensplanne en waarborg sal net by mense wat baie ry in n kort tydperk byval vind.Hulle sal nie baie verkoop nie, al is dit n goeie produk
Presies. Mazda prys hulself uit die mark uit. Kopers in die klas koop of Toyota of Ford.
Ander koop chinese bakkies en spaar R200k.
Kan ons net die bakkie van agter af ook sien, want Mazda se bakkies was nog lag-lag die lelikste bakkies op die mark. Kan nie glo dat dit uit dieselfde fabriek as Ford kom nie.