Toyota Gazoo Racing Suid-Afrika sit heeljaar hard skouer aan die wiel met sy vier Hilux-renbakkies.
Dié harde werk het die afgelope naweek vrugte vir drie van sy vier renjaers afgewerp. Henk Lategan was in die kwalifiserende ronde in ʼn ongeluk betrokke en dit het sy planne vir ʼn mededingende woestynren in die wiele gery.
Giniel de Villiers en sy navigator Dennis Murphy het eerste oor die wenstreep gejaag, gevolg deur Guy Botterill en navigator Simon Vacy-Lyle. Die derde plek is ook deur ʼn Hilux ingeneem met Shameer Variawa agter die stuur en Danie Stassen as navigator.
Ongelukkig moes Lategan en navigator Brett Cummings hul Hilux onttrek weens probleme met hul ratkas, ondanks hul enorme vordering ná die ongeluk in die kwalifiserende ronde én die straftyd wat daarmee saamgekom het.
De Villiers was vol lof vir Toyota aangesien hulle vanjaar nie een keer uit die renmotor hoef te geklim het om ʼn pap band te ruil of vir herstelwerk aan die voertuig nie. Dit het gehelp om die oorwinning in te oes.
Die private renjaers wat vanjaar met €8 000 én ʼn gratis inskrywing vir die Dakar weggery het, is Yannick Panagiotis en sy vrou, Valerie Panagiotis.
Die volgende veldren vind middel Augustus in Bronkhorstspruit plaas.
Die finale punteleer lyk só:
Posisie: | Deelnemer: | Bestuurder: | Navigator: | Voertuig: | Finale uitslag: |
1 | Toyota Gazoo Racing SA | Giniel de Villiers | Dennis Murphy | Toyota DKR Hilux T1+ | 10:24:53 |
2 | Toyota Gazoo Racing SA | Guy Botterill | Simon Vacy-Lyle | Toyota DKR Hilux T1+ | 10:26:50 |
3 | Toyota Gazoo Racing SA | Shameer Variawa | Danie Stassen | Toyota DKR Hilux T1+ | 10:39:14 |
4 | Century Racing | Brian Baragwanath | Leonard Cremer | Century Racing CR6 | 10:40:12 |
5 | #Teamhilux Rally-Raid | Johan Horn | Werner Horn | Toyota DKR Hilux T1+ | 11:01:34 |
6 | King Price Xtreme | Lance Trethewey | Rodney Burke | Century Racing CR6 | 11:44:34 |
7 | Tim Howes | Tim Howes | Gary Campbell | BAT Spec 4 | 12:58:17 |
8 | Century Racing | Yannick Panagiotis | Valerie Panagiotis | Century Racing CR6 | 13:00:38 |
9 | Ryan Bland | Daniel Schröder | Ryan Bland | Nissan Navara | 13:14:17 |
10 | NWM Ford Castrol Team | Gareth Woolridge | Boyd Dreyer | NWM T1+ Ford Ranger | 13:33:58 |
Toyota kraai koning in enige omstandighede dit is die rede hoekom hy die topverkoper is maar nie kan meeding met ander trokkies as dit by luukshede kom nie.
Sal graag die uitslag wil sien tussen al die verskillende fabrikate as al die voertuie 100% standaard is.
Raptor met sy spesiale suspensie of die nuwe Defender
Die agterwielaangedrewe Suid Afrikaanse ontwikkelde C6 doen net so goed .
Julle vertrap al die woestyn plante, wat dekades neem om te herstel, dood met 4×4 voertuie. Nie eens te praat oor die diere nie. Gaan jaag op Kyalami met jou 4×4. Wat is die nut van hierdie voertuie, tensy jy ‘n boer of Wildsplaas het, in elk geval? Bitter min bestuurders van die voertuie hou by die paaie wat uitgelê is vir die soort “Sports”.