Naamsa het onlangs die voertuigverkoopsyfers vir April 2020 bekend gemaak.
Die mark het vir die jaar tot op datum reeds met 28,1% gekrimp teenoor 2019 vir passasiervoertuie, 38,5% vir ligte handelsvoertuie, 27,3% vir medium-vragmotors en -busse en 29,9% vir swaarvragmotors en -busse.
Die syfers toon wel ietwat van ’n onwaarheid vir April. Volgens die syfers is daar ’n totaal van 574 voertuie plaaslik verkoop en 901 is uitgevoer.
Dit is natuurlik onmoontlik aangesien alle handelaars, fabrieke en hawens toe is sedert die nasionale afsonderingstyd einde Maart in werking getree het.
Waar dié syfers vandaan kom, is van voertuie wat eintlik aan die einde van Maart al verkoop en uitgevoer is, maar waarvoor daar nie tyd was om van verslag te gee nie. Dus het nuwe voertuigverkope in April met 100% jaar op jaar geval.
Die syfers lyk só:
Handelsmerk | Plaaslik | Uitvoer |
Ford | 304 | 79 |
Toyota | 93 | 670 |
MAN | 62 | – |
Iveco | 60 | – |
Suzuki | 12 | – |
Volvo | 9 | 2 |
Powerstar | 7 | – |
FAW Trucks | 6 | – |
Haval Motors | 4 | 2 |
Mahindra | 4 | – |
TATA | 4 | – |
Nissan | 3 | 148 |
Babcock | 2 | – |
JMC | 2 | – |
Jaguar Land Rover | 1 | – |