Argieffoto. (Foto: Unsplash)
Saam met ʼn nuwe bondeltjie vreugde gaan ʼn paar administratiewe reëlings gepaard en een hiervan is wanneer en hoe om ʼn sak vir die hospitaal te pak.
So ʼn sak behels items vir mamma sowel as die splinternuwe pienkvoet. Dit is ʼn goeie idee om reeds in die agtste maand van jou swangerskap jou hospitaalsak te pak, aangesien babas soms vroeër as beplan hulle opwagting maak en mamma nie onkant betrap wil word met items wat nog nie gepak is nie.
Die span van Mediclinic Baby het ʼn handige hospitaalsaklys opgestel om die proses te vergemaklik en seker te maak mamma is voorbereid op die kleinding se koms:
Argieffoto. (Foto: Unsplash)
Vir mamma:
- Liggewig pajamas wat voor oopknoop (een stel per dag)
- Drie voedingsbra’s
- Kraamdoekies
- Pantoffels en kouse
- Japon
- Toiletware
- Haardroër en borsel
- Spieëltjie
- Kontant
- Swart pen en kopieë van identiteitsdokumente van albei ouers vir geboorteregistrasie
- ʼn Stel klere en skoene vir wanneer jy huis toe gaan
- Twee waslappe, verkieslik donkerkleurig
- Alle chroniese medikasie en swangerskapvitamines
- Selfoon, laaier en dubbelpuntmuurprop
- Kamera en laaier
Sou jy normaal kraam in plaas van om ʼn keisersnee te ondergaan, bring ook:
- Suiglekkers, lipsalf en vrugtesap
- Babapoeier of ‑olie vir massering
- ʼn Gemaklike T-hemp
- Tydskrifte, speletjies of boeke
Argieffoto. (Foto: Unsplash)
Vir baba (onthou om alles dubbel te pak vir ʼn tweeling)
- Vyf stelle skoon babaklere, frokkies, babapakkies (babygro), ʼn toedraaikombersie (receiving blanket), kousies en mussies
- Een warm kombers
- Bottels, tiete, formulemelk en steriliseringseenheid
- Fopspeen en houer
- Twee pakke doeke (grootte 0)
- Naelstelletjie en sjampoe
- Boudsalf
- Telament-druppels
Nog ʼn handige wenk is om ʼn babapakkie, ʼn frokkie, ʼn mussie en kouse apart in Ziplock-sakkies te verpak en te merk watter stelle jy eerste wil aantrek.
Bronne: Babyyumyum.co.za, Pampers.com, Mediclinic.co.za
