As afsondering lank raak, kan jy hierdie kreatiewe idees gebruik om jou kinders mee besig te hou. Klik hier vir nog meer idees vir die jongspan.
Waterballon-krieket
Waterballon-krieket (Foto: iCandy Handmade)
Krieket kan na ʼn nuwe vlak geneem word as jy waterballonne as balle gebruik.
Borrelplastiek-stempel
Borrelplastiek-stempel (Foto: Art Bar)
Gebruik daardie orige borrelplastiek om ʼn selfdoenstempel te maak waarmee jou kinders patrone kan maak.
Vuurwerke in ʼn glas
Vuurwerke in ʼn glas (Foto: Paging Fun Mums)
Al wat jy nodig het, is olyfolie, water en koskleursel en kinders kan oor en oor verskillende kombinasies maak.
Selfdoen-arkadespeletjie
Selfdoen-arkadespeletjie (Foto: Frugal Fun vor Boys and Girls)
Gebruik ʼn ou boks, plastiekballe en ʼn wasgoedmandjie vir hierdie spel.
Speelgoed-valskerm
Speelgoed-valskerm (Foto: No Time for Flashcards)
Enige van jou gunstelingspeelgoed of Lego-mannetjies kan nou met ʼn valskerm van die kombuistoonbank na die grond spring.
Borrelverf
Borrelverf (Foto: Happy go Lucky)
Wanneer die weer hulle nie toelaat om buite te speel nie, kan jou kinders vir lank besig bly met hierdie maklike borrelverf. Geen spesiale toerusting is nodig nie.
Speelklei
Speelklei (Foto: Smart School House)
Eerder as om nog iets te bak, kan hierdie lekker speelklei gemaak word wat jou kinders lank sal besig hou.
Naellakverf
Naellakverf (Foto: Pink Stripey Socks)
Gebruik ou naellak om hierdie marmer-geïnspireerde kunswerke te maak.
Gesigboek
Gesigboek (Foto: I heart Crafty things)
Laat jou kinders oë, neuse en monde teken en maak almal in ʼn boekie vas. Blaai daardeur en kyk hoeveel snaakse gesigte daaruit kom. Die snaakse gesigte sal kinders vir lank besig hou en hulle kan selfs vir elke gesig ʼn naam gee.
Seepboot
Seepboot (Foto: I Heart Naptime)
ʼn Geut, ʼn bietjie water en ʼn koekieseep kan vir ʼn baie lekker speletjie sorg en elke kind kan hul eie vlaggie vir hul skip maak.
