Baie mense het die voorreg om oor die wêreld heen te reis op soek na nuwe herinneringe. Ander se herinneringe is beperk tot dit wat hulle by die huis sien en hoor.
In die reeks Brandhout vir die oudag vertel Marius du Plooy, ʼn radio-omroeper, TV-man en toerleier, van ’n klompie wonderlike ervarings wat hy en sy toerlede al die wêreld vol gehad het.
Die eerste storie handel oor wat hy ervaar het in een van die pragtige Toskaanse dorpies toe hy en sy vrou net daar gesit het en die atmosfeer ingedrink het.
Skink vir jou ʼn koppie boeretroos en ontspan terwyl jy na die vertelling boaan hierdie berig luister.
- As jy verder wil saam toer, gaan loer gerus op mariusduplooy.com of stuur ʼn e-pos aan [email protected].