Argieffoto (Foto: xiaobohe011/Pixabay)
Is jy en jou geliefde gereed vir die groot vraag? Die perfekte verloofring is waarskynlik die belangrikste en mees opwindende stap om jul reis saam te begin. Maar daar is so baie dinge om in ag te neem wanneer jy ʼn verloofring kies, dat dit vir jou mag voel of jy bietjie leiding nodig het. Jy wonder dalk hoe om ʼn diamant te kies, of selfs hoe om jou ringgrootte te bepaal. Dalk het jy hulp nodig met die verskillende diamantsnit, styl van die ring, montering van die ring, die perfekte metaal, of selfs die perfekte meegaande troupand.
- Begin met ʼn begroting
ʼn Paar van die belangrikste vrae wat kopers vra, is: “Hoe veel kos verloofringe?” of “Hoeveel moet ek aan ʼn verloofring spandeer?”
Jy het dalk al die sêding gehoor dat jy minstens twee maande se salaris moet begroot. Dié idee het, interessant genoeg, begin posvat ná ʼn slim en doeltreffende advertensieveldtog vir ʼn bekende diamantvervaardiger in die 1930’s. Dit is teenstrydig met die huidige algemene denkrigting dat ʼn begroting vir ʼn ring nie aan enige spesifieke riglyn gekoppel moet word nie.
Elke paartjie is anders – in plaas daarvan om streng reëls of riglyne te volg vir jou begroting, beveel ons eerder ʼn persoonlike benadering aan. Stel self ʼn begroting op waarmee jy gemaklik is – of dit nou meer of minder as twee maande se salaris is.
- Kies ʼn diamant
Om die regte ring te vind, begin daarmee om die regte diamant te kies. Sodra jy dus jou begroting bepaal het, kan jy na die verskillende diamanttipes begin kyk wat jou sak pas. Jy kan ʼn diamant kies volgens die kleur, helderheid, snit en karaat gewig.
Die kleur van ʼn diamant word gemeet volgens laboratorium D- tot Z-kleurgradering, gebaseer op die deursigtigheid en afwesigheid van kleur. Die letter D (die hoogste graag op die skaal) verteenwoordig kleurloosheid. ʼn Diamant se helderheid word gegradeer van FL (foutloos) – die seldsaamste, tot I (ingesluit).
Karaat is die standaard eenheid van gewig vir diamante. Omdat groot diamante so seldsaam is, is hulle meer waardevol as kleiner diamante van dieselfde kleur en helderheid.
ʼn Diamant se snit is een van die belangrikste graderingsaspekte, omdat tegniese kundigheid hier ter sprake kom. Die slypwerk onthul die diamant se versteekte wonder onder die rowwe buitenste laag. Ervare ambagsmanne het die kuns bemeester om ʼn diamant se lig uit te bring en die wonder daarvan te onthul. Of jy nou ʼn bekoorlike peervormige diamantsnit verkies of die klassieke ronde briljante solitaire, is jy gewaarborg om ʼn diamant van onverbeterlike ontwerp te kry as jy saam met ʼn ervare juwelier werk.
Op watter diamant gaan jy verlief raak? Met ʼn groot verskeidenheid van uitsonderlike vorms en snitte, sal jy gou ʼn diamant kry wat by jou unieke styl en persoonlikheid pas.
- Kies ʼn ring
(Foto verskaf)
Een van die belangrikste aspekte van die anatomie van ʼn verloofring is die montering. Die montering is die manier hoe die diamant in silwer, goud of platinum vasgemaak word. Daar is talle tipes style wat, saam met jou persoonlike voorkeur, beter werk met sekere diamantvorms as met ander.
Die montering is byna net so belangrik as die diamant of edelsteen, want die montering kan die aantreklikheid van die ring verhoog en die unieke waarde van die diamant of edelsteen laat aanpas by die styl van die ring.
Hou jou leefstyl in gedagte as jy oor die montering besluit: kies ʼn pand en montering wat soomloos sal deel word van jou lewe.
As die voornemende bruid ʼn aktiewe leefstyl lei of met materiale werk wat maklik kan vashaak, is ʼn gleuf- of buismontering die perfekte keuse. Maar dalk wil jy hê die diamant moet uitstaan: dan moet jy eerder die klassieke kloumontering kies wat die hele profiel van die diamant onthul. Nóg ʼn gewilde styl is die bekende stralekrans-diamantmontering – ʼn uitstekende keuse vir ʼn voornemende bruid wat wil hê haar diamant moet groter lyk.
Loer bietjie na foto’s van verskillende ringe – dit is ʼn slim besluit voor jy met ʼn juwelier gesels.
- Kies ʼn edelmetaal
Wat is die beste metaal vir ringe? Enige ringgids sal nie volledig wees sonder riglyne oor dié belangrike aspek nie. Goud en platinum is steeds die gewildste metale vir verloofringe en trouringe. Watter een jy kies, hang af van jou persoonlike voorkeur en begroting. Platinum is ʼn digter metaal en is bietjie duurder in dieselfde volume as dieselfde ring in goud.
Die grootste verskil tussen goud en platinum is die kleur. Goud is natuurlik geel en platinum is wit. Witgoud word saamgestel uit goud, palladium en silwer allooi met ʼn rodium-afwerking – dit lyk dus byna soos platinum. Roosgoud word saamgestel uit goud en ʼn koper allooi om ʼn mooi pienk/rooskleur te kry.
As langdurigheid vir jou die belangrikste is, is platinum jou beste opsie.
- Kry die regte ringgrootte
Die belangrikste wenk is om seker te maak die ring pas wanneer jy dit vir die eerste keer aan haar vinger sit.
As jy dalk ʼn verrassing beplan vir die groot vraag, moet jy dalk uit die boks dink om haar ringgrootte te kry. Vra haar vriendinne, ma en sussies vir hulp. Jy kan in die geheim ook een van haar gunstelingringe laat meet of skertsenderwys ʼn juwelier vra om albei jul vingers te meet vir toekomstige verwysing.
Kry kundige advies
As doelgemaakte juweliers verstaan ons presies hoe belangrik dié spesiale oomblikke kan wees. Dit is hoekom elke meesterstuk wat jy kies klassiek, tydloos en soms kontemporêr is. Doelgemaakte ontwerpe word gemaak met ʼn oog vir detail om dié spesiale oomblikke in jou lewe in styl te vier.
Gesels met ʼn juwelier wat die kennis en ervaring het om jou deur dié belangrike tyd te lei. As jy op soek is na die perfekte diamantverloofring of selfs net raad benodig oor die proses om ʼn verloofring te koop of te ontwerp, maak sommer vandag nog ʼn bestelling met een van jou gunstelingjuweliers.
Besoek ons webwerf vir uitstekende winskopies en afslag: https://www.yourdiamonds.co.za/
