Foto ter illustrasie (Foto: Pixabay)
Meeste vroue het tydens die Covid-19-pandemie van die huis af gewerk en boonop minder of geen grimering gedra nie. Noudat die land weer op vlak 2 is en ons dus terugkeer kantoor toe, beteken dit dat sosiale geleenthede ook begin toeneem.
Annelize Campher, ʼn voltydse persoonlike assistent vir die skoonheidsghoeroe Hannon Bothma en ʼn grimeerkunstenaar, wys hoe maklik dit is om jou daggrimering in ʼn oogwink op te knap vir die aand.
Jy het die volgende grimeermiddels nodig:
- donkerbruin of swart oogskadu
- blink oogskadu
- swart oogpotlood
- wimpers (opsioneel)
- sterk lipstiffie of lipglans
- los poeier
- grimeerverseëlaar
In hierdie video wys Annelize jou stap-vir-stap hoe om jou grimering op te knap:
Annelize se onderneming staan bekend as Makeup by Annelize. Volg haar op sosialemediaplatforms vir nog onderrigvideo’s met grimeertegnieke.
