Ons roem ook in die verdrukkinge, omdat ons weet dat die verdrukking lydsaamheid werk, en die lydsaamheid beproefdheid en die beproefdheid hoop; en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is. (Romeine 5:3-5)
Het gister se dagstukkie jou hart geroer? Het dit beskryf wat in jou lewe aangaan? Miskien probeer jy dinge deur jou eie krag doen. Ek hoop dat jy op daardie roering reageer het en jou oë nou op Jesus vestig. Hy is “die Leids man en Voleinder van die geloof” (Hebreërs 12:2).
Paulus spoor ons aan: “Laat ons met volharding die wedloop loop wat voor ons lê” (Hebreërs 12:1). Ons kan hierdie wedloop hardloop en verduur, omdat ons dit doen met “die oog gevestig op Jesus, die Leidsman en Voleinder van die geloof” (Hebreërs 12:2). Jy is nie op jou eie in die wedloop nie; nee, jy is omring deur “’n groot wolk van getuies” (Hebreërs 12:1). Al die manne en vroue van geloof wat jou voorafgegaan het, moedig jou aan; Jesus is aan die voor punt, en Hy lei hulle.
Ons hardloop die wedloop van ons lewe en meer as ooit tevore het ons nodig dat die Here Jesus Christus ons help. Die jong man van wie ek jou vertel het, moet daagliks op ander staatmaak vir hulp. Hy verstaan geduld en volharding. In vandag se Skrifgedeelte sê Paulus: “Ons roem in die verdruk kinge, omdat ons weet dat die verdrukking lydsaamheid werk, en die lydsaamheid beproefdheid en die beproefdheid hoop” (vers 34). Wanneer hierdie jong man praat, is dit met hoop, wysheid, genade, sagmoedigheid, liefde en vol harding. Hy verstaan wat dit beteken om jou te verbly in beproewing.
Die wonderlike ding is dat dit nie ophou by beproewing nie. Die hoop wat ons het, is nie ’n “miskien” hoop of ’n “veranderlike” hoop nie; nee, vers vyf sê vir ons: “En die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.” Hierdie hoop is sterk, blywend en seker.
My Vader, ek dank U vir u getrouheid en u liefde vir my. Ek dank U vir u genade en dat U my nie sonder hoop laat nie. Inteendeel, my hoop is oorvloedig! Ek staan vandag in hierdie hoop. Ek hou vas daaraan, ek verbly my daarin. Amen.
My Vader ek staan vas in U hoop – ek sit in werksituasie wat ek nie wat volgende gaan gebeur nie maar ek staan vas in U hoop en vertrou U dat als gaan uitwerk soos U dit wil laat uitwerk. U maak nooit een deur toe sonder om ‘n ander een oop te maak nie. Dankie My Vader Amen.