Die jammerhartige skeerder
Lukas 10:30–35
En eendag was da ’n man gewas
wat van hie af af Kaap toe ry,
toe’t kaperse hom geoorval
en hom geveniel en halfkaal
langsie pad vir dood gelat bly.
Toe kom da ’n sendeling veby
en hy sien nou dié man da lê,
ma hy’t net so wee aangery.
Toe kom da ’n ouderling aan,
hy kyk annerpat en lattie man lê.
Toesit nou ’n skeerder oppe baaisiekil
en dié kom hou byrie flenter kjêrel stil,
want hy’t hom bitterlik jammer gekry.
Hy’tie seerplekke met Dettol gesmeer
en hom toe self oppie kêriër gesit,
en mettie siek man kliniek toe gery.
Allie kostes, hettie skeerder gesweer,
petaal ek, want ek kom wee hie veby.
Voorgelees en opgeneem deur Veronica Geldenhuys uit die boek “Karos orie dyne” geskryf deur Hans du Plessis en uitgegee deur Lapa Uitgewers.
Die barmhartige samritaan in n ander vorm…praat nog steeds met my hart…Amen