Gedagte vir die dag: My skild is God

sonsopkoms_lewe-voluit_stiltetyd_pixabay.jpg

Foto: pixabay.com

My skild is by God wat die opregtes van hart verlos. (Psalm 7:11, Bybel in Afrikaans 1933/1953)

Dawid kla oor al die boosheid om hom – daar is net te veel goddeloosheid, onreg en geweld. Hy pleit by God dat Hy as Regter moet verskyn en dinge regmaak. Ons het dieselfde behoefte, nie waar nie? Dawid vind wel vrede in sy geloof dat God sy “skild” is – ’n algemene simbool in die Skrif vir verdediging of beskerming. Soldate het mos gekeer met hulle skild en aangeval met hulle swaard. Vir Dawid is dit ’n uitgemaakte saak dat God “opregte mense” verdedig.

Dis dan ons les: Wees opreg! Wat is opregtheid? Opregtheid is nie perfeksie nie, maar openlikheid, deursigtigheid – om nie met maskers te leef of ’n front voor te hou nie. ’n Opregte persoon is net homself – hy is wie hy is, foute en al! Met ’n persoon wat eg en eerlik en oop is, kan God ’n pad stap. Dawid was ook so. Mense vol voorgee en valsheid kom egter nie ver nie. Luister: Kom onder God se skild met die regte houding!

Beskermer, dis swaar om my eie skild te dra – ek vertrou Ú voortaan vir my lewe. Amen.

Bron:
Hou vas aan die Hoop deur Jimi le Roux
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.