Prynt
Die probleem met foto’s op jou slimfoon is dat jy gewoonlik dit nie uitdruk nie, omdat dit te veel moeite is.
ʼn Maatskappy, Prynt, het ʼn tipe Polaroid-agtige kassie ontwerp wat aan jou iPhone 6s, 6, 5s, 5c, 5 en Samsung Galaxy S5 en S4 kan koppel.
Die foto’s word dan termies op inklose sink-fotostrokies gedruk. ʼn Pakkie van 50 fotostrokies kos ongeveer $25 (R400). Die Prynt-aanhegsel kos $149 (R2 400).
“Mense neem duisende foto’s met hul selfone, maar kyk nooit daarna nie,” het Clément, Perrot, stigter van Prynt, gesê. “Ons het besluit om iets te ontwerp wat hulle help om op ʼn tasbare manier, hul foto’s met vriende en familie te deel.”
Die maatskappy bied tans ʼn Valentynsdag-winskoop aan (gebruik die kodewoord “PRYNTLOVE” wanneer jy jou bestelling plaas).
Besoek die webwerf: Prynt
O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.
6 Kommentare
Nee vaderland, dis darem te duur. Koppel jou foon aan jou rekenaar, of Bluetooth dit na jou laptop, of epos dit selfs na jou rekenaar toe. Dan kan jy dit uitdruk op gewone papier en as dit regtig goed is, lamineer ook. Dit lyk so goed soos die ware jakob, teen ‘n fraksie van ‘n regte foto se prys.
Ek print online – `n a4 kos r13-00 mag seker nie se waar nie