Kepler-ruimteteleskoop uit nood-modus gered

Kunstenaarsvoorstelling van die Kepler-ruimteteleskoop (Foto via Wikimedia Commons)

Kunstenaarsvoorstelling van die Kepler-ruimteteleskoop (Foto via Wikimedia Commons)

Die Keplerruimteleskoop, wat as die eksoplaneetjagter bekend staan omdat dit meer as die helfte van die bekende eksoplanete ontdek het, is weer vlot gemaak nadat dit tegniese probleme ondervind het.

Die teleskoop het ruimtebeheer laat weet dat dit in sy nood-modus ingegaan het.

Wetenskaplikes het dadelik begin skarrel om die toerusting van meer as $600 miljoen weer vlot te kry. Die probleem is dat Kepler nou so ver van die aarde is dat dit dertien minute vir ’n sein van die aarde neem om die tuig te bereik en na die aarde terug te keer.

Die oorsaak van die jongste probleem kon nog nie vasgestel word nie.

Kepler het voorheen ook buite beheer geraak toe ’n vliegwiel wat die tuig in ’n posisie gerig moes hou, opgehou draai het. Wetenskaplikes het toe ’n manier gevind om die sonwind in te span om die teleskoop sekuur gerig te hou.

Lees meer: Christian Science Monitor, Space.com

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Johan 2 ·

Hoe vêr is kepler dan, kan dit al 13 lig minute wees! Ek was onder die indruk (duidelik verkeerd) dat hy staties is soos Hubble. Dankie weer Herman.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.