Die top-35-kandidate vir Mej. Suid-Afrika 2020 is pas bekend gemaak.
Onder vanjaar se top-35 is twee mediese dokters, ʼn prokureur, onderwyser, rolprentmaker, sanger en mode-ontwerper.
Maroela Media het vroeër berig dat voormalige wenners van die Mej. SA-titel, Adé van Heerden (2017), Liesl Laurie (2015) en Bokang Montjane-Tshabalala (2010), saam met Anele Mdoda, radio- en televisiepersoonlikheid, deur al 2 500 inskrywings gesif het om die top-35 te kies.
Drie van vanjaar se top-35 het al voorheen aan die Mej.-SA-kompetisie deelgeneem; hulle is Karishma Ramdev (2018), Anarzade Omar (2019) en Nkosazana Sibobosi (2019).
Twaalf van die top-35 kom uit Gauteng uit (twee uit Pretoria en twee uit Soweto), ses kom uit KwaZulu-Natal, vyf uit die Wes-Kaap, vier uit die Oos-Kaap en Vrystaat, twee uit Noordwes en een uit Limpopo en die Noord-Kaap elk.
Hier is die top-35 vir Mej. Suid-Afrika 2020:
Anarzade Omar (21), ʼn student van Johannesburg
Anica Myburgh (27), ʼn internasionale model van Bethlehem wat nou in Robertson woon.
Aphelele Mbiyo (24), ʼn bemarker en model wat in Johannesburg woon, maar oorspronklik van die Oos-Kaap kom.
Busisiwe Mmotla (27), ʼn onderwyser van Emdeni in Soweto.
Carla Peters (20), ʼn model en student, oorspronklik van Bethelsdorp, Port Elizabeth, maar woon nou in Muizenberg, Kaapstad.
Chantelle Pretorius (24), model en student van Pretoria.
Gabriella Koopman (23) van Sandton, Gauteng.
Jamie Lee Harris (24), ʼn model van Bluff, KwaZulu-Natal, wat tans in Johannesburg woon.
Jordan van der Vyver (24), ʼn internasionale model van Johannesburg, wat tans in Durbanville in die Wes-Kaap woon.
Kadija Makhanya (23), ʼn student en model van KwaZulu-Natal wat tans in Kaapstad woon.
Karabo Legodi (21), ʼn studente en model van Soweto, Gauteng.
Karishma Ramdev (25), ʼn mediese dokter van Chatsworth, KZN, maar nou in Pretoria woon.
Kayla Neilson (27), ʼn sanger en liedjieskrywer van Meredale, Johannesburg, wat nou in Randburg woon.
Kea Mokorotlo (21), ʼn student van Bloemfontein in die Vrystaat.
Lebogang Mahlangu (24), ʼn produkontwikkelaar van Soshanguve, Pretoria, maar wat tans in Umhlanga, KwaZulu-Natal, woon.
Lerato Manoko Malatji (25), ʼn model en student van Orange Farm, Gauteng.
Lerato Siko (24) van Potchefstroom in Noordwes het haar eie geleentheidstileringonderneming.
Lesedi Phala (24) van Pietermaritzburg in KwaZulu-Natal is ʼn student en deeltydse model.
Lindokuhle Mvango (24) is oorspronklik van Port Elizabeth in die Oos-Kaap, maar woon tans in George in die Wes-Kaap.
Luvé Meyer (23) van Brackenfell in Kaapstad is ʼn studente en model.
Matsepo Sithole (21), ʼn student van Pietermaritzburg in KwaZulu-Natal.
Melissa Nayimuli (24) van Butterworth in die Oos-Kaap, werk by ʼn bemarkingsmaatskappy en woon tans in Johannesburg.
Melvarene Theron (25) van Eldoradopark in Gauteng is ʼn intern in die regsveld.
Natasha Joubert (22) van Centurion, Gauteng, is ʼn beeldpoetser en eienaar van ʼn sakeonderneming.
Nicole Wilmans (25), van Stellenbosch in die Wes-Kaap is ʼn student.
Nkosazana Sibobosi (24), gebore in Khayelitsha, maar woon nou in Kaapstad, is ʼn rolprentmaker en model.
Olin-Shae de la Cruz (26) van Claremont, Kaapstad, woon tans in Bryanston, Johannesburg, en werk vir ʼn bemarkingsmaatskappy.
Olorato Major (24) van Warrenton in die Noord-Kaap woon tans in Midrand, Gauteng, en is besig met haar vlieënierslisensie.
Palesa Keswa (23) van Sasolburg in die Vrystaat is ʼn student.
Savannah Schutzler (24) van Durban woon nou in Rondebosch, Kaapstad, en is ʼn aktrise en aanlyn onderwyser.
Sherry Wang (25) van Sunninghill, Johannesburg, werk as ʼn menslikehulpbronbestuurder.
Shevon Pereira (23) van Johannesburg, Gauteng, besit ʼn klein sakeonderneming, en is ʼn deeltydse model.
Shudufhadzo Musida (23) is oorspronklik van Ha-Masia in Venda, Limpopo, maar woon tans in Johannesburg. Sy is ʼn student.
Stacy Gossayn (23) is van Viljoenskroon in die Vrystaat.
Thato Mosehle (25) is ʼn mediese dokter en deeltydse student van Stilfontein in Noordwes.
Paar pragtige dames. Jordan lyk vir my net soos Cameron Diaz. Wonder net hoekom staan Matsepo so met haar arms gekruis oor haar bors dit trek definitief die aandag van haar gesig af.
Pragtige meisies – hoe kies mens? Elkeen staan ‘n kans om met die titel weg te loop.
Stacy Gossayn is vir my die mooiste.
Stem!
Natasha Joubert vir my die mooiste kandidaat.
Vir my ook. Sy is beeldskoon.
Palesa Keswa van Sasolburg. You go girl. Hou ons dorp se naam hoog! 2e keuse Stacy Gossayn. Verder kan almal saam 3e plek kry!