‘n 10-jarige seun het Saterdag in ‘n openbare swembad in die Oos-Kaap verdrink.
“Die seun was reeds dood toe paramedici by die toneel in Motherwell in die Oos-Kaap aangekom het,” het Santi Steinman, woordvoerder van Netcare911 gesê.
Meer as 45 mense het reeds sedert die begin van Desember in die Oos-Kaap verdrink. Meeste van die voorvalle was in die Tsitsa- en Mzimvubu-riviere terwyl ander in die Buffels- en Swartkopsrivier, by Blouwaterbaai, by Tina-valle en in verskeie damme verdrink het.