Fauja Singh (101) het die Hong Kong-marathon voltooi en homself as die “oudste marathon-atleet” gevestig.
Met sy saffraan-tulband en ‘n groot wit baard het Singh die 10km-wedloop binne 1 uur, 32 minute en 28 sekondes voltooi. Dié Indies-gebore atleet, wat ook as die “Turbaned Torpedo” (Tulband Torpedo) bekendstaan, sê hy sal nou sy skoene ophang. “Ek sal hierdie dag onthou. Ek gaan dit mis,” het hy gesê.