Die liggaam van ‘n 12-jarige seun wat in die Oos-Kaap verdrink het, is Sondagoggend opgespoor.
“Die seun was een van vier tieners wat Saterdag in die Ceqcuwana-rivier by Mission Village gaan swem het,” het kapt. Jackson Manatha, woordvoerder van die polisie, gesê. “Na bewering het die seun omstreeks 14:00 verdrink en sy maats is huis toe om hul ouers in kennis te stel.” Polisieduikers het sy liggaam Sondagoggend in die rivier opgespoor.
‘n Geregtelike doodsondersoek sal uitgevoer word.