‘n 13-jarige dogter het Sondagaand omstreeks 22:00 in ‘n swembad in Krugersdorp verdrink.
“Die dogter is reeds uit die swembad gehaal en KPR toegepas toe paramedici by die toneel opgedaag het,” het Santi Steinmann, woordvoerder van Netcare911, gesê. Paramedici het nog 30 minute lank probeer, maar die dogter is op die toneel dood verklaar. Die besonderhede van die voorval is nie tans beskikbaar nie.