Veertien mense is beseer toe ʼn BMW Saterdag op die R28 in Krugersdorp in Gauteng agter in ʼn skoolbus vasgery het.
“Vier van die passasiers is ernstig beseer,” het Chris Botha, woordvoerder van Netcare911, in ‘n verklaring gesê. Die ongeluk het voor die Silver Star Casino plaasgevind. “Wrakstukke van die voertuie was oor die pad gestrooi.”
Die beseerdes is op die toneel gestabiliseer en na ʼn nabygeleë hospitaal geneem vir verdere mediese behandeling.