14-jarige ook vas vir bejaarde se moord

Argieffoto

Argieffoto

ʼn 14-jarige seun is Dinsdag in hegtenis geneem in verband met die moord op Elleanor Dorfling (82), ʼn inwoner van Allanridge in die Vrystaat.

Dorfling is verlede Donderdag dood aangetref in haar huis. Sy was in ʼn bad vol water en haar hande was met ʼn das vasgebind. Daar was bloedvlekke op die muur en bloed in haar mond. ʼn 20-jarige verdagte van Nyakallong is dieselfde dag in hegtenis geneem nadat Dorfling se motorsleutels en rybewys in sy besit gevind is. Die 14-jarige is ook van Nyakallong en is in Kutloanong naby Odendaalsrus in hegtenis geneem.

Die seun moet binnekort in die landdroshof in Odendaalsrus verskyn.

Lees ook:
Man met vermoorde bejaarde se besittings betrap
Bejaarde in die Vrystaat vermoor

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae