Veertien mense is Vrydag doodgeskiet tydens die première van die Batman fliek, The Dark Knight Rises, in Denver, Colorado in Amerika.
Na wat verneem word, het iemand glo traangas in die volgepakte teater gegooi en wild en wakker begin skiet. ʼn Plaaslike radiostasie, KOA, berig twee gemaskerde persone was glo by die skietery betrokke. Sover is 14 mense is dood en sowat 40 beseer.
Cassidee Carlson, ʼn polisiewoordvoerder, het aan plaaslike media gesê inligting is nog skaars. “Die polisie is nog op die toneel besig om ondersoek in te stel asook om die toneel op te ruim.”
Die beseerdes word behandel en is onderskeidelik na drie nabygeleë hospitale geneem. Die dodetal mag dalk styg.
Sy het gesê een persoon is sover in verband met die voorval in hegtenis geneem.