Vier valskermspringers, is ernstig beseer en nog tien lig beseer Saterdag tydens ‘n sprong by ‘n lugskou by die Waterkloof-lugmagbasis in Pretoria.
ʼn Woordvoerder, kol. Petrus Motlhabane, sê dit was ʼn fratsongeluk en dit is nog nie duidelik wat die oorsaak was nie. Hy sê die vier valskermspringers wat ernstig beseer is, is in ʼn stabiele toestand in die 1 Militêre hospitaal. Die tien ander valskermspringers is ook in die hospitaal opgeneem. Al 14 valskermspringers is van die 44 Valskerm battaljon. Motlhabane sê ʼn ondersoek sal na die voorval gedoen word.
