148 “kriminele” werk glo vir metropolisie

Tshwane en Ekurhuleni metropolisie-afdelings het glo 148 mense met kriminele rekords in diens geneem, het ʼn beampte Woensdag gesê.

Ekurhuleni het 80 werknemers met kriminele rekords en Tshwane het 68, het Thapelo Moiloa, woordvoerder vir Gauteng se gemeenskapsveiligheid gesê. Die getalle is egter nie betroubaar nie, aangesien die departemente die rekords nagaan en saam met die Suid-Afrikaanse Polisiediens (SAPS) en Spesiale Ondersoekeenheid werk, het hy gesê. Fred Nel, LP vir die DA, het dié syfer as kommerwekkend beskryf, aangesien mense metropolisiebeamptes moet kan vertrou. “Artikel 36 van die SAPS Wet verbied enige lid wat tronkstraf uitgedien het om enige pos in die polisie te beklee,” het Nel in ʼn verklaring gesê. Hy sê die bepalings vir munisipale polisiedienste verbied die aanstelling van ʼn persoon met ʼn kriminele rekord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.