Die trein wat ontspoor het Foto: @medixgauteng op Twitter
Minstens 15 mense is beseer toe ʼn trein, van Pretoria na Johannesburg, Vrydagoggend ontspoor het.
“Twee van die mense is ernstig beseer,” het William Ntladi, woordvoerder vir die Ekhurhuleni-nooddienste, gesê. “Dertien persone het geringe beserings opgedoen.”
Die lokomotief en passasierswa het Vrydagoggend net na 07:00 ontspoor.
Al die beseerdes, insluitend die bestuurder en sy assistent, is na verskeie hospitale geneem.
“Dit is nog nie duidelik waarom die trein ontspoor het nie,” het Ntladi gesê.
Volgens die gebruiker @medixgauteng op Twitter het die ongeluk naby Elandsfontein plaasgevind. -SAPA
Oorsaak !!! Gebrek aan eenvoudige “ONDERHOUD”
Ek het op ‘n tyd met daai trein gery. Die presiese tyd ook . Maar dis baie jare terug.Sjoe, nogal scary. Maar nou ja, 15jaar terug was die treine baie veiliger as vandag.
Derde ontsporing oor die Feesseisoen.
Mense met geen verantwoordelikheid-sin. Geen.