15 SAPD-helikopters gehok

Die Suid-Afrikaanse Polisiediens (SAPD) het Maandag bevestig 15 van sy helikopters is gehok vir roetine inspeksies.

Die polisie het vroeër in 2012 gerugte dat verskeie helikopters gehok is weens ‘n tekort aan fondse om dit te herstel, afgelag, berig EWN. Die SAPD beskik oor 37 helikopters. Lindela Mashigo, woordvoerder van die polisie, het gesê dat die polisie steeds oor ‘n voldoende aantal helikopters beskik om misdaad doeltreffend te bekamp. Hy het bygevoeg dat die polisie steeds 22 helikopters tot hul beskikking het, en dat die 15 helikopters slegs vir roetine inspeksies gehok is. Volgens Mashigo word geen provinsie hierdeur geraak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.