162 dronkbestuurders is voor die langnaweek by nege padblokkades regoor Johannesburg in hegtenis geneem.
“Een persoon is in hegtenis geneem wat glo met ‘n gesteelde voertuig rondgery het, en ‘n ander persoon se voertuig se voertuigregistrasie was vervals,” het Wayne Minnaar, woordvoerder vir die stad se metropolisie, Vrydag gesê. Minnaar sê al die persone wat in hegtenis geneem is sal volgende week in die hof verskyn.
