Argieffoto
Sewentien mense is beseer toe die bus waarmee hulle gereis het, in ʼn omgeslane vragmotor vasgery het. Die ongeluk het sowat 10km buite Britstown op die pad na Victoria-Wes in die Noord-Kaap plaasgevind.
Volgens kolonel Hendrik Swart van die Noord-Kaap polisie het die ongeluk Dinsdagnag omstreeks 23:50 gebeur. Die vragmotor, wat staal vervoer het, het omgekeer en die pad versper. Die bus het daarna in die vragmotor vasgery. Vyftien passasiers is beseer, en beide die bus- en vragmotorbestuurders is ernstig beseer. Swart sê al die beseerdes is na die hospitaal in De Aar geneem. “Dit lyk asof hulle almal buite gevaar is.”
Die polisie ondersoek ʼn klag van roekelose bestuur.
