ʼn 19-jarige motorfietsryer is Dinsdagoggend in ʼn botsing in Krugersdorp dood.
Volgens Santi Steinmann, ʼn woordvoerder van Netcare 911, het die ongeluk op Northvayweg plaasgevind. “Dit is nog nie seker wat die ongeluk veroorsaak het nie, maar daar was ʼn ander voertuig betrokke,” het Steinmann gesê. Die motorfietsryer was reeds dood toe paramedici by die toneel opgedaag het.
Die bestuurder van die ander voertuig is ongedeerd.