2 dood ná gebou in JHB ineenstort

Twee mans is Donderdag dood ná ʼn tweede ineenstorting van ʼn gebou op die hoek van Jeppe en Endstraat in Johannesburg, het paramedici gesê.

Jeffrey Wicks, woordvoerder van Netcare 911 sê die tweede en derde verdiepings van die gebou het ineengestort. “Twee mans was binne die gebou en is onder die puin begrawe,” het hy gesê. ʼn Man is op 21 Maart beseer toe ʼn gedeelte van die gebou ineengestort het. ʼn Brand het in Februarie in die gebou uitgebreek en mense het intussen van die staalbalke uit die struktuur gesteel wat moontlik tot die ineenstorting kon gelei het. -SAPA