‘n Tweejarige dogtertjie het Saterdagmiddag byna verdrink by ‘n strand in Ballito.
“Haar ma het haar uit die water gehaal, sy het met haar gesig na onder gedryf,” het Santi Steinmann, woordvoerder van Netcare911, gesê. Netcare911 se motorfietseenheid was binne ‘n paar minute op die toneel en het haar suurstof begin gee. Sy is later in ‘n stabiele toestand na ‘n plaaslike hospitaal geneem vir verdere mediese behandeling.