21 skoolkinders in onpadwaardige Toyota Venture

Toyota Venture

Argieffoto

ʼn 25-jarige man is Maandag met R2 300 beboet nadat hy 21 skoolkinders sonder die regte lisensie in ʼn onpadwaardige voertuig vervoer het.

Volgens hoof.supt. Wilfred Kgasago, ʼn woordvoerder van die Ekurhuleni-metropolisie in Gauteng, is die Toyota Venture van die pad af getrek terwyl dit in die noodbaan van Leandaleweg in Katlehong gery het.

Die voertuig het skoolkinders tussen die ouderdom van vier en 10 jaar oud vervoer. “Die voertuig se remme is foutief, die deurhandvatsels en passasiervensters is stukkend, die voertuig se buitebande is glad, die stuurwiel is foutief en al die ligte is nie in ʼn werkende toestand nie,” het Kgasago gesê.

Kgasago het ouers en onderwysers aangeraai om seker te maak dat hul kinders veilig vervoer word en het gesê onpadwaardige voertuie moet aangemeld word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

10 Kommentare

jongste oudste gewildste
Willy

Nee wat Kgasago skrik te gou. Daardie Toyota taxi is nog in ‘n mint kondisie as ek die defekte lees.

vuurvreter

Ja wat los die man dat hy kan ry. Ons sal later op die nuus sien en op maroela lees.

Stoere Boer

Daai taxi is in ‘n beter toestand as honderde ander wat rondjaag op ons paaie.

Seg Net

Wat van die blixem agter die stuur? Is dit nie ook sy verantwoordelikheid om toe te sien dat die voertuig wat dit bestuur padvaardig moet wees nie? Hy is ‘n potensiële moordenaar.

Jasper

Solank die kar loop en die geld inkom is daar mos nie probleme nie. Hakuna Matata !