ʼn 24-jarige vrou is dood nadat haar voertuig Sondag op die N12 tussen Potchefstroom en Klerksdorp gerol het.
“Die vrou het beheer oor haar voertuig verloor. Die voertuig het verskeie kere gerol en sy is in die proses uit die voertuig geslinger. Haar liggaam was sowat 50 meter van die wrak gevind. Sy was reeds dood toe paramedici by die toneel opgedaag het,” het Chris Botha, ʼn woordvoerder van Netcare911 gesê.