Veldbrande wat oor die naweek in KwaZulu-Natal uitgebreek het, is Maandag onder beheer gebring.
Volgens Tracey Carter, ʼn woordvoerder van Working on Fire, was daar sedert Vrydag 25 brande in die provinsie aangemeld. Dit het groot skade aan veral plantasies en weivelde aangerig.
Die noorde van KwaZulu-Natal en die Hluhluwe-natuurreservaat is die ergste geraak. Stormsterkte wind het grootliks daartoe bygedra dat brande versprei het. Geen beserings of sterftes is aangemeld nie.
