27 sterf in gru-ongeluk

BTbA1KyCEAApiFU

Foto: ArriveAlive/Twitter

27 mense is Donderdagaand dood en 32 beseer in ’n gru-ongeluk in Pinetown, KwaZulu-Natal, nadat ʼn vragmotor teen vier minibustaxis’s en ʼn motor gebots het.

Werner Vermaak, woordvoerder van ER24, sê die ongeluk het kort voor 19:00 op die hoek van Field’s Hillweg (M13) en Richmondweg gebeur. Vermaak sê talle lyke en wrakstukke het oor die pad gestrooi gelê.

Volgens ooggetuies het die vragmotor glo in Fieldshillweg gery toe dit naby die kruising in die voertuie vasgery het. Die vragmotor se remme het glo nie gewerk nie.

“Meeste van de mense is uit die voertuie geslinger weens die impak. Die brandweer en reddingsdienste moes meganiese toerusting gebruik om mense uit die wrakstukke te verwyder,” het Vermaak bygevoeg. Hy sê tien mense is kritiek beseer in die ongeluk.

Die presidensie het Donderdagaand in ʼn verklaring gesê Jeff Radebe, waarnemende president, is geskok deur die ongeluk. Mac Maharaj, woordvoerder van die presidensie, sê Radebe het Zuma, wat die G20-beraad in Rusland bywoon, ingelig oor die ongeluk.

Dipuo Peters, minister van vervoer, het intussen beveel dat ʼn hoëvlakondersoek gedoen word. Peters het haar meegevoel met die families en vriende van die oorledenes betuig.

BTa5R0rCcAAs1bp

Foto: ER24/Twitter

BTbAas5CMAA69Lv

Foto: ArriveAlive/Twitter

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Eben

As dit blankes was, sou zuma ook ingelig geword het? Dis altyd trokke se remme, is daar ooit gekyk na die bevoegheid van die drywer, het hy die probleem by firma rapporteer? As daar niks aan gedoen is, hoekom weer gery ….. en so kan mens aangaan en dit gaan nie die mense terug bring om vir die anc te stem volgende jaar

Jasper

4 Taxi’s en I motor. Het lg, nie dalk n “Blou Lig” op gehad nie ?

vuurvreter

More mense. Janee altyd remme wat nie werk nie. Glo my dit was weer teen n helse spoed. En die vragmotor was seker nie eers padwaardig nie soos gewoonlik.

Amy

Hoekom is Zuma nie so ‘onsteld’ as blankes in ongelukke sterf nie???

vuurvreter

Lol Trippie is stil. Seker verslaap.