Sowat 28 000 vragmotorbestuurders van die vakbond Satawu het Maandag begin staak nadat loononderhandelings ‘n dooie punt bereik het.
Die South African Transport and Allied Workers Union (Satawu) het gesê sy lede het ooreengekom om te staak en nie hul pligte na te kom nie. Die bestuurders dring aan op ‘n loonverhoging van 12% vir 2013 en 2014, maar hul werkgewers bied slegs ‘n verhoging van 8% aan. Vincent Masoga, woordvoerder van Satawu, het gesê die staking sal Dinsdag voortduur.