Een persoon is dood en 54 mense beseer nadat 16 voertuie Sondag in ‘n kettingbotsing naby Bronkhorstspruit in Gauteng betrokke was.
“’n Vragmotor en 14 motors het agterin ‘n ander vragmotor vasgery toe ‘n dik rookwolk van ‘n veldbrand Sondagmiddag oor die pad gewaai het,” het Johan Pieterse, woordvoerder van Tshwane nooddienste, gesê.
“Die voertuie het almal in die rigting van Pretoria gery toe die ongeluk plaasgevind het,” het Chris Botha, woordvoerder van ER24, gesê. “’n Man is in die ongeluk dood. ‘n Vrou wat ernstig beseer is, is met ‘n helikopter na ‘n hospitaal geneem.” Ander motoriste het ligte tot ernstige beserings opgedoen en is op die toneel gestabiliseer voordat hulle na hospitale geneem is.
Pieterse sê die brand het net na 14:00 nog steeds gewoed en brandbestryders was besig om dit te blus.
my kids het ok daai pad gery, dankie tog hulle het veilig by die huis gekom