Jason Rossouw (39) van Uitenhage in die Oos-Kaap is dood nadat ‘n 64-jarige vrou hom glo met ‘n mes in sy nek gesteek het.
Ao. Gerda Swart sê ‘n woordewisseling het tussen die vrou en Rossouw ontstaan toe hy kos in sy kombuis voorberei het. “Die vrou het glo ‘n mes gegryp en die slagoffer in sy nek gesteek.” Die vrou is kort daarna in hegtenis geneem en sal na verwagting Maandag in die Uitenhage-landdroshof verskyn.