‘n 7-jarige seun was Saterdag in ‘n motor toegesluit in ‘n winkelsentrum in Pietermaritzburg, het paramedici gesê.
“Volgens ooggetuies was die seun in ‘n traumatiese toestand ná hy glo sonder volwasse toesig in ‘n motor toegesluit is,” het André Visser, woordvoerder vir ER24 gesê. “Toe paramedici opdaag het polisiebeamptes ‘n ruit gebreek en die seun uit die voertuig gehaal. Die seun is vir ontwatering behandel en na ‘n hospitaal geneem. Visser sê die voorval sal ondersoek word.