Die minister van polisie, Nathi Mthetwa, sê daar is sedert Januarie 2009 768 kriminele sake teen polisiebeamptes aanhangig gemaak.
Die klagtes sluit in 516 aanklagte van aanranding., 50 van moord, 94 verkragtingsake en 71 van seksuele aanranding. Mthetwa het die getalle bekendgemaak na ʼn vraag in die parlement. Hy sê die statistiek is skokkend om die minste te sê. Mthetwa sê enige polisiebeamptes wat skuldig bevind word aan enige van die aanklagte “verdien om in die tronk te verrot en die sleutel moet weggegooi word.” Hy sê polisiebeamptes moet eintlik erger gestraf word as gewone misdadigers.
