Altesaam 94 vermeende renosterstropers en smokkelaars is sedert die begin van die jaar in hegtenis geneem.
Die departement van omgewingsake het Woensdag bekendgemaak dat 44 vermeende stropers in die Krugerwildtuin in hegtenis geneem is. “In Limpopo is 20 vasgetrek en 13 is in KwaZulu-Natal aangekeer,” het Albi Modise, die departement se woordvoerder in ʼn verklaring gesê. Agt verdagtes is in Noordwes aangekeer, ses in Mpumalanga en drie in Gauteng.
Daar is veral ‘n aansienlike vordering die afgelope week gemaak, met 11 stropers wat in die oostelike gedeelte van die land vasgetrek is. Pogings om renosterstropery te bekamp is opgeskerp nadat daar reeds 292 renoster sedert Januarie vir hul horings doodgemaak is.
kom ons onthoring hulle almal die skelms