Aansoeke vir slim ID-kaarte begin binnekort

Nkosazana Dlamini-Zuma, voormalige minister van binnelandse sake, toe sy haar ID-kaart in 2012 aan joernaliste getoon het. Foto: listrends.blogspot.com

Nkosazana Dlamini-Zuma, voormalige minister van binnelandse sake, toe sy haar ID-kaart in 2012 aan joernaliste getoon het. Foto: listrends.blogspot.com

Die departement van binnelandse sake het Donderdag bekend gemaak dat die publiek binnekort hul aansoeke vir die nuwe slim ID-kaarte kan indien.

“Pensioenarisse kan van Februarie aansoek doen vir die nuwe ID-kaarte,” het Naledi Pandor, die minister van binnelandse sake, gesê.

Mense gaan volgens hul geboortemaand uitgenooi word om aansoek te doen, het sy tydens ʼn ontbyt van The New Age-koerant in Johannesburg gesê.

Pensioenarisse wat in Januarie gebore is, sal van die eerstes wees wat van volgende maand af kan aansoek doen. “Mense moet nie net by die kantore van binnelandse sake opdaag nie, ons sal hulle uitnooi om in te kom in die maand wat hulle verjaar. Ons doel is om ten minste 100 000 slim ID-kaarte teen die einde van Maart uit te reik.”

Sy sê die uitreikingsproses word papierloos gedoen, en die kaarte is van top gehalte.

“Die slim ID-kaart gebruik moderne tegnologie om besonderhede op ‘n mikroskyfie te stoor. Die geheue van die skyfie is genoeg om ‘n wye verskeidenheid van die openbare sektor se besonderhede te stoor, soos ʼn huwelikslisensie en selfs bestuurslisensiebesonderhede.”

– SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Nico van der Westhuizen ·

Hoeveel gaan ons nou weer gedwing word om daarvoor te betaal ( Soos E-Toll) waarvoor ons nie gevra het of ingestem het nie? Ek is ‘n pensionaris en moet vir myself sorg sonder enige byvoodele soos wat die regeringsamptenare geniet, betaald uit my belasting. Ek weier om vir die nuwe geldmaak foefie te betaal, “do your damdness, I dare you Dlamini!

AmY ·

Ek neem aan ons gaan nie betaal nie? Dis mos nie asof ons ons ID’s verloor het nie? Lekker geldmaakstorie hierdie een. Wat gaan hulle hierdie keer koop as hulle oortyd werk? McDonalds of KFC? Hehehe.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.