‘n Ligte aardbewing in Swaziland het Sondag veroorsaak dat aardskuddings in gedeeltes van Kwazulu-Natal en Mpumalanga gevoel is.
East Coast Radio berig die aardbewing het Sondagaand omstreeks 21:00 plaasgevind. Volgens Ian Saunders, van die Nasionale Seismografiese Netwerk wat aan die Raad vir Geowetenskappe verbonde is, het die aardbewing vier op die Richter-skaal geregistreer.
Inwoners van Newcastle, Ladysmith, Dundee, Mkuze, Piet Retief en Pongola het die skuddings en naskokke gevoel.