Die Suid-Afrikaanse Lughawensmaatskappy (Acsa) sê vliegtuie by die O.R. Tambo-lughawe word weer normaal met brandstof gevul nadat daar vroeër vertragings was weens kabeldiefstal.
Unathi Batyashe-Fillis, woordvoerder van Acsa, sê daar was vir ure lank vertragings nadat kabels wat aan die brandstofpype gekoppel was gesteel is. Sy sê tegnici het teen sowat 16:00 Sondagmiddag ʼn tydelike oplossing vir die probleem gevind. Internasionale en plaaslike vlugte is erg vertraag deur die voorval. Batyashe-Fillis sê die polisie ondersoek die saak. Sy sê passasiers word steeds aangeraai om die onderskeie lugrederye te kontak rakende gewysigde tye vir vlugte.
Lees ook:
Groot vertragings by OR Tambo Internasionale Lughawe