Advokaat Barbie bly agter tralies vir eers

Cezanne Visser, ook bekend as Advokaat Barbie

Cezanne Visser, bekend as “Advokaat Barbie”, was onsuksesvol met ‘n tweede poging om uit gevangenisstraf vrygelaat te word.

Die paroolraad het Vrydag ʼn aansoek van die hand gewys dat Visser se gevangenisstraf na korrektiewe toesig omgeskakel word, het die SABC Woensdag berig.

Visser dien tans ‘n sewe jaar-lange vonnis uit nadat sy jong meisies en vroue onsedelik aangerand het, kinderpornografie vervaardig en besit het, en ‘n kinderhuis bedrieg het. Visser het in Mei 2010 haar vonnis begin uitdien nadat die hoogste hof van appèl haar appèlaansoek afgekeur het.

Visser het ‘n hersieningsaansoek by die Pretoriase hooggeregshof ingedien nadat die paroolraad in Augustus bevind het sy is nie ‘n geskikte kandidaat om haar vonnis in korrektiewe toesighouding te verander nie. Regter Tati Makgoka het daarna dié besluit ter syde gestel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.