ʼn Voormalige president van Somalië was Dinsdag in ʼn ongeluk betrokke nadat hy en sy drywer die ENB-stadion verlaat het waar oud-pres. Nelson Mandela se gedenkdiens plaasgevind het.
ʼn Polisiebron het aan Maroela Media gesê die ongeluk het op die N1-noord op pad na Pretoria plaasgevind. “Ons vermoed die drywer het weens die nat weer beheer oor die voertuig verloor en teen die beton-versperring langs die snelweg vasgery,” het die beampte gesê.
Die bestuurder en die afgevaardigde het nie beserings opgedoen nie, maar die voertuig het onklaar geraak in die ongeluk en moes met ʼn sleepwa verwyder word.
Die naam van die president was nie onmiddellik beskikbaar nie.
Woensdag?
Dagsê Petrus
Ons loop die week vooruit! Ons het die wysiging aangebring, dit moet natuurlik “Dinsdag” wees.
Groetnis
Suné van Heerden
nms Maroela Media
Sekerlik Dinsdag, anders moet dit nog gebeur!
Dagsê Annebe
Ons loop die week vooruit! Ons het die wysiging aangebring, dit moet natuurlik “Dinsdag” wees.
Groetnis
Suné van Heerden
nms Maroela Media
Is dit net ek of is die artikel vreemd…. Dit is vandag Dinsdag die 10.12.2013, maar die ongeluk het Woensdag plaasgevind?
Okei Suné het mos nou verduidelik! Get over it!