AfriForum beplan verskerpte veldtog teen plaasmoorde

AfriForum het Woensdag aangekondig dat hy aanstaande maand ’n verskerpte veldtog van stapel sal stuur teen die regering se weiering om plaasmoorde te prioritiseer. Die organisasie is ook tans besig met die opstel van ’n dokument, getiteld “Die Mthethwa-dossier”. Die dokument bevat die besonderhede van tien gevalle in die afgelope twee jaar waartydens slagoffers wat geliefdes aan plaasmoorde afgestaan het gepoog het om die minister van polisie, Nathi Mthethwa, se ingryping teen plaasmoorde te vra. Hul pogings is telkens met minagting begroet.

Hierdie stap volg nadat die nasionale polisiekommissaris, Generaal Riah Phiyega, Dinsdag aan die Wes-Kaapse wetgewer weereens bevestig het dat die polisie bevoeg is om spesialiseenhede vir spesifieke misdade daar te stel. Generaal Phiyega se antwoord op ’n navraag oor die instelling van spesialiseenhede vir spesifieke misdade word vandag in die dagblad Beeld aangehaal: “As dié ding (met verwysing na spesifieke misdade) regtig handuit ruk, sal ons daarna kyk.”

Ernst Roets, adjunk uitvoerende hoof van AfriForum het gesê dat plaasmoorde dekades gelede handuit geruk het en dat die polisie nie net weier om spesialiseenhede hiervoor in te stel nie, maar selfs net om te erken dat dit ’n krisis is. “Plaasmoorde is ’n unieke misdryf en unieke misdrywe verg unieke teenstrategieë. Dit lyk egter of die polisiekommissaris en Minister Mthethwa in besonder, nie bereid is om hierdie werklikheid te erken nie.”

Roets het bygevoeg dat die probleem primêr by die minister se kantoor lê. “Daar is geen rasionele verduideliking waarom plaasmoorde nie prioritiseer moet word nie. Ons vermoed egter dat ’n erkenning van die probleem ’n politieke verleentheid kan skep vir die regerende ANC, wat boere dikwels as politieke slaansakke gebruik.”

Meer besonderhede oor die veldtog sal eersdaags uitgereik word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Trippie

Nathi Mthethwa het mos beweer dat plaasmoorde NIE prioriteit is bo enige ander moord nie !

GO AFRIFORUM, GO !!!

Seg Net

Kon ek seg julle vandag hier op ‘n openbare forum. Plaasmoord sal as prioriteit misdaad erken word, plase sal patrolleer word en ‘n spesiale ondersoek span vir plaasmoord sal ingestel word indien daar swart faffer boere vermoor word. Voor dit kan ons dit maar vergeet.

Vasvat

Afriforum,ons staan bankvas agter julle,dank Vader ons het n Afrikaanse organisasie wat ons stem is.

Wel,,, wat my aanbetref is dat die regering die grond soek en niks gaan doen daaraan nie. Plaas die smurfies Zimbabwe toe gaan en ons boere uit los,,, miskien was dit ook lankal tyd vir n Burger oorlog, want ons land gaan baie vinnig agter uit. n Burger oorlog sal baie lewens neem en dis nooit n mooi idiee nie, maar om n beter toekoms te he en regverdig te lewe is dit som tyds nodig. Ons land word regeer deur n dictator,,, dit lyk nie so met die oog nie, maar sit en kyk mooi.
ONS VIR JOU SUID AFRIKA
AMEN!!!!!!

hl

daar moet eenvoudig ‘n geen verdra (no tolerance) beleid ingestel word. hoekom verdien moordenaars enige regte en dat ‘n mens moet luister hoekom onskuldige mense doogemaak word. mense wat heel waarskynlik vir hulle ‘n dak oor hulle kop en ‘n werk gegee het. ek sê mensdom moet terug na die basiese dinge gaan en besef hoe bevoorreg mens werklik is om ‘n sterk landboubedryf (met sy probleme) te hê. Ons Afrikaners moet Afriforum in hierdie poging ten sterkste ondersteun!!!