Alouette III
Die burgerregte-organisasie AfriForum sal nie vandag die dringende hof by die Noord-Gautengse hooggeregshof in Pretoria nader oor die Suid-Afrikaanse Nasionale Weermag (SANW) se voorgenome lewering van Alouette III-helikopters aan die Zimbabwiese Lugmag nie.
AfriForum is in kennis gestel dat die regter wat dringende sake hanteer, die saak vir eerskomende Vrydag op die hofrol geplaas het.
Maroela Media het Maandag berig dat AfriForum vandag die hooggeregshof sal nader om ‘n stokkie voor SANW se skenking te steek. Dit het op 25 Januarie vanjaar aan die lig gekom dat die SANW besluit het om al sy oortollige Alouette III-helikopters aan die Zimbabwiese Lugmag te skenk. Die helikopters het oortollig geraak met die ingebruikneming van Italiaans vervaardigde helikopters wat as deel van die veelbesproke wapentransaksie deur die SANW aangekoop is. Lees meer hier.
